អូសូ ​(OSHO) មានកេរ្តិ៍ឈ្មោះល្បីល្បាញនៅអ៊ឺរ៉ុប អាមេរិក និងឥណ្ឌាតាំងពីយូរយារណាស់មកហើយ តែសម្រាប់ប្រជាជនខ្មែរយើង អ្នកដែលស្គាល់គាត់មានតែក្រុមមនុស្សមួយចំនួនតូចប៉ុណ្ណោះ។ ប៉ុន្តែយ៉ាងហោចណាស់ក៏គ្រឹះស្ថានបោះពុម្ពផ្សាយម៉ាញប៊ុក្សយើងបានប្រែសម្រួល និងបោះពុម្ពផ្សាយចេញមកសម្រាប់ប្រិយមិត្តដែលចូលចិត្តទស្សនៈរបស់គាត់បានប៉ុន្មានចំណងជើងមកហើយដូចជាៈ តៅ មគ្គវិធិគ្មានលំអាន, បញ្ញា, ឥស្សរភាព, ហ៊ាន និង វុឌ្ឍិភាវៈជាដើម។ ដោយឡែកសៀវភៅ គរុវិភាគគរុ មួយនេះដែលប្រែមកពីសៀវភៅឈ្មោះ MEETINGS WITH REMARKABLE PEOPLE មានចំណុចគួរឲ្យចាប់អារម្មណ៍ពីសេសអំពីការវិភាគបកស្រាយទៅលើពាក្យប្រៀនប្រដៅរបស់បណ្តាសាស្តា និងអ្នកប្រាជ្ញធំៗនៅលើលោកយ៉ាងគួរឲ្យស្ញើច។