មនុស្សគ្រប់រូប សូម្បីតែជាគូបដិបក្ខរបស់យើងក៏ដោយ ម្នាក់ៗសុទ្ធតែភ័យខ្លាចនឹងសេចក្តីទុក្ខវេទនាដូចជារូបយើង ហើយស្វះស្វែងរកសេចក្តីសុខទៅតាមមធ្យោបាយដូចគ្នាទៅនឹងរូបយើង គេគ្រប់គ្នាមានសិទ្ធិទទួលយកសេចក្តីសុខនិងជៀសវាងពីក្តីទុក្ខដូចរូបយើង។ ហេតុនេះហើយចូរនាំគ្នាយកចិត្តទុកដាក់ចំពោះអ្នកដទៃឲ្យអស់ពីចិត្ត ទោះបីគេជាមិត្តឬសត្រូវក៏ដោយ នេះហើយគឺជាមូលដ្ឋាននៃក្តីមេត្តាដ៏ពិតប្រាកដ។