សម្រាប់ក្មេង អ្វីៗក៏អាចទៅរួច។ ក្មេងគិតថាខ្លួនអាចហោះហើរបាន អាចប្រយុទ្ធនឹងសត្វសាហាវបាន អាចធ្វើអ្វីក៏បានដោយគ្មានព្រំដែន តែនៅពេលគេធំបន្តិចម្តងៗ បរិស្ថានជុំវិញបានកំណត់រូបារម្មណ៍របស់ក្មេងឱ្យកាន់តែរួមតូចជាលំដាប់។ បរិស្ថានជុំវិញបានបង្រៀនគេបន្តិចម្តងៗថាវាទៅមិនរួច វាគ្រោះថ្នាក់ណាស់ វាគ្មានសុវត្ថិភាព វាធ្វើឱ្យអាយុខ្លី។ ហេតុនេះក្មេងដែលធ្លាប់តែក្លាហាន ពេលកាន់តែចាស់បែរជាកាន់តែកំសាក។ ប៉ុន្តែសមិទ្ធផលរីកចម្រើននៅលើលោករហូតមកដល់សព្វថ្ងៃនេះមិនបានកើតឡើងដោយស្នាដៃមនុស្សកំសាកឡើយ វាជាសមិទ្ធផលរបស់អ្នក "ហ៊ាន"។ មនុស្សជាច្រើនភ្លេចគិតថាជីវិតដែលគិតតែពីរឿងសុវត្ថិភាពប្រៀបដូចជីវិតដែលនៅក្នុងទ្រុង ជាជីវិតដែលជួបតែរឿងដដែលៗ គ្មានអ្វីគួរជាទីត្រេកត្រអាលឡើយ។ អ្នក "ហ៊ាន" តែងដើរទៅរករបស់ថ្មីៗដែលខ្លួនមិនធ្លាប់ស្គាល់ ថ្វីបើវាអាចគ្មានសុវត្ថិភាព, វាអាចជាការផ្សងគ្រោះថ្នាក់ ប៉ុន្តែវាជាថាមពលជំរុញឱ្យធ្វើអ្វីថ្មីៗ, វាជាទីត្រេកត្រអាល ហើយផលកម្រៃរបស់វាធំធេងមហាសាលណាស់។ "ហ៊ាន - Courage" ជាសមិទ្ធផលប្រែសម្រួលរបស់ខ្ញុំដែលផលិតក្នុងសម័យកូវិដ និងជារង្វាន់ថ្មីសម្រាប់ប្រិយមិត្តដែលនិយមអានស្នាដៃរបស់ OSHO។

១)អ្វីទៅគឺជាភាពក្លាហាន

២)ពេលមានរបស់ថ្មីមកគោះទ្វារ ចូរបើកទ្វារ

៣)ភាពក្លាហានមកពីការស្រលាញ់

៤)ដកខ្លួនឱ្យផុតពីចំណោមមហាជន

៥)រីករាយជាមួយជីវិតដែលផ្សងព្រេងនឹងគ្រោះថ្នាក់

៦)ការស្វែងរកសភាវៈដែលអស់ការភ័យខ្លាច។

Product you may like

Thanks for interesting in our products, here we have some more items recommended.