.brd
.brd
.brd

ឧបនិស្ស័យ៧ប្រការ សម្រាប់បុគ្គលឆ្នើម

  ឧបនិស្ស័យ៧ប្រការ សម្រាប់បុគ្គលឆ្នើម 

  • $9.50
  • $10
  • 9 days left

Quantity

Categories: ការអភិវឌ្ឍខ្លួន - វិធីសាស្រ្តជំនួញ

អារម្ភកថា

ដោយសារតែយើងខ្ញុំបានទទួលសំណូមពរពីប្រិយមិត្តអ្នកអានជាច្រើនឲ្យយើងខ្ញុំធ្វើការបកប្រែសៀវភៅ The 7 Habits of Highly Effective People ទើបគ្រឹះស្ថានបោះពុម្ពម៉ាញប៊ុក្សយើងបានខំប្រឹងប្រែងបកប្រែ​ សម្រួល ពិនិត្យ ដោយចំណាយពេលរួមអស់ប្រមាណពីរឆ្នាំទើបសម្រេចបានជាស្ថាពរនូវសៀវភៅមួយនេះ។

            «ឧបនិស្ស័យ 7 ប្រការសម្រាប់បុគ្គលឆ្នើម» គឺជាស្នាដៃអមតៈរបស់បណ្ឌិត ស្ទីហ្វិន ខូវីយ៍ ដែលត្រូវបានបោះពុម្ពផ្សព្វផ្សាយជុំវិញពិភពលោកជាង ៣៨ ភាសា ហើយមានអត្រាលក់ជាង 15 លានក្បាលរួចមកហើយ។ សៀវភៅនេះបានបកស្រាយអំពី «គ្រឹះ» នៃគំនិត ដែលបណ្តាលឲ្យមានការផ្លាស់ប្តូរឥរិយាបថ ព្រឹត្តិកម្ម ធ្វើឲ្យមានការអភិវឌ្ឍកែលម្អភាពជាអ្នកដឹកនាំសម្រាប់បុគ្គលម្នាក់និងតាមទម្រង់លក្ខណៈរួម។ឧទាហរណ៍ ប្រទេសកូរេខាងត្បូងបានឲ្យតម្លៃលើសៀវភៅមួយក្បាលនេះ ដោយគេបានបញ្ចូលវាជាមុខវិជ្ជាមួយក្នុងកម្មវិធីសិក្សាសម្រាប់សិស្ស និស្សិតនៅទូទាំងប្រទេសដែលជម្រុញឲ្យប្រទេសមួយនេះទទួលជោគជ័យយ៉ាងឆាប់រហ័សក្នុងការអភិវឌ្ឍប្រទេសរហូតឈានឡើងមកជាប្រទេសឈានមុខនៅទ្វីបអាស៊ី វ៉ាដាច់បណ្តាប្រទេសជាច្រើនដែលធ្លាប់រីកចម្រើនជាងខ្លួនមកពីមុន។

            ពាក្យ «បុគ្គលឆ្នើម» ក្នុងសៀវភៅនេះសម្តៅលើបុគ្គលដែលប្រតិបត្តិកិច្ចការរបស់ខ្លួនប្រក​​បដោយប្រសិទ្ធផល ទទួលទិន្នផលខ្ពស់ ទទួលជោគជ័យពិតប្រាកដទាំងផ្នែកសម្ភារៈនិងស្មារតី ទាំងសម្រាប់ខ្លួនឯងនិងបុគ្គលជុំវិញ។

            សូមថ្លែងអំណរគុណដល់លោក ធន ឆាយពិសិដ្ឋ ជាសហការីបកប្រែ លោក អ៊ុំ វិសុទ្ធ កញ្ញា ពិន ចរិយា និងលោក គង់ រង្សី ដែលបានបូជាអស់កម្លាំងកាយចិត្ត និងពោរពេញដោយក្តីព្យាយាមក្នុងកិច្ចរួមសហការជ្រោមជ្រែងឲ្យសៀវភៅ ឧបនិស្ស័យ 7 ប្រការសម្រាប់បុគ្គលឆ្នើម នេះមានសុក្រឹតភាព មានសេចក្តីក្បោះក្បាយ ស្រួលអានងាយយល់ ជួយឲ្យអ្នកអានអាចយល់បានដល់ទីជម្រៅនៃគំនិតដែលបណ្ឌិត ខូវីយ៍ ចង់បង្ហាញតាមរយៈភាសាបែបសាមញ្ញ។

            យើងខ្ញុំចង់ធ្វើសំណូមពរដល់ប្រិយមិត្តអ្នកអានជាទីគោរពរាប់អានឲ្យមានឳកាសគូសវាសលំនាំជីវិតខ្លួនឯងសាថ្មី ផ្លាស់ប្តូរផ្នត់គំនិតថ្មី ផ្តាច់ខ្លួនចេញពីអ្វីដែលធ្លាប់មានកន្លងមកតាមរយៈវិធីហ្វឹកហាត់សមាធិ ដើម្បីឲ្យយើងបានពិចារណានូវគោលធម៌ប្រចាំខ្លួន ដែលជាការអភិវឌ្ឍនិងផ្លាស់ប្តូរពីក្នុងចិត្តមកខាងក្រៅ។ សកម្មភាពនេះគឺជាការបើកឳកាសឲ្យយើងបាន ឃើញ ខ្លួនឯងដោយដកខ្លួនឲ្យផុតពីការជាប់ជំពាក់នៃចំណងផ្លូវចិត្តទាំងឡាយ និងដែលជួយឲ្យយើងបានប្រើ បញ្ញា ក្នុងការមើលឃើញអ្វីៗផ្សេងៗទៅតាមសភាពពិតជាក់ស្តែង។

            ចំណុចសំខាន់នៃសៀវភៅមួយក្បាលនេះគឺ ការងាកមកពិចារណាពីខ្លួនឯង ព្រោះនៅពេលដែលយើងគិតថាបញ្ហាអ្វីៗបណ្តាលមកពីអ្នកដទៃ មកពីស្ថានការណ៍​ ឬមកពីអ្វីដែលពុំមែនចេញពីខ្លួនយើង នេះគឺផ្នត់គំនិតដែលមានបញ្ហាធ្ងន់ធ្ងរបំផុត។ យើងគួរតែផ្លាស់ប្តូរអាកប្បកិរិយាពីអ្នកកាត់ក្តីមកធ្វើជាអ្នកបំភ្លឺផ្លូវ ពីអ្នករិះគន់មកធ្វើជាគំរូដ៏ល្អ និងពីផ្នែកមួយនៃបញ្ហាមកជាផ្នែកមួយនៃការរកដំណោះស្រាយវិញ។

            «ឧបនិស្ស័យ 7 ប្រការសម្រាប់បុគ្គលឆ្នើម» ពុំមែនជាទ្រឹស្តីផ្សំស្រេច ហើយយកមករៀបរាប់ជាចំណុចគោលៗសម្រាប់មិត្តអ្នកអាននោះទេ ប៉ុន្តែវាជាសៀវភៅដែលផ្តោតទៅលើការអនុវត្តជាដំណាក់កាលតាមលំដាប់លំដោយដើម្បីឈានទៅរកការផ្លាស់ប្តូរនិងអភិវឌ្ឍខ្លួនឯងជារៀងរហួតទៅ ព្រោះថាជោគជ័យពិតប្រាកដគឺជាជោគជ័យដែលកើតឡើងនៅក្នុងចិត្តរបស់ខ្លួន ពុំមែនជាការស្វះស្វែងរករបស់ទ្រព្យ ការប្រមែប្រមូលលាភសក្ការៈ យសសក្តិ ការលើកតម្កើង ឬជាសេចក្តីសុខនោះទេ តែវាជាការគ្រប់គ្រងលើចិត្តខ្លួនឯងឲ្យបាននេះឯង។

            ខ្ញុំសូមគាំទ្រដល់ប្រិយមិត្តអ្នកអានជាទីគោរពរាប់អាន ឲ្យគូសវាសលំនាំជីវិតរបស់ខ្លួនសាជាថ្មី ដោយប្រើសតិសម្បជញ្ញៈដែល​ ដឹង ពីខ្លួនឯង គួបផ្សំនឹងរូបារម្មណ៍គំនិតច្នៃប្រឌិត និងមនសិការដែលបំភ្លឺនៅក្នុងចិត្ត ព្រោះទោះបីជាពេលនេះយើង គ្មាន តែយើងមានសិទ្ធិ ជ្រើសរើស ថានឹងទៅជាអ្វីបានតាមសេចក្តីប្រាថ្នា។

                                                                        នាយកគ្រឹះស្ថានបោះពុម្ពម៉ាញប៊ុក្ស

គឹម ចាន់ណា

មាតិកា

 

អារម្ភកថាអ្នកនិពន្ធ                                                                                              11

ផ្នែកទី1 :    ផ្នត់គំនិតនិងគោលការណ៍                                           21

                              ផ្តើមពីក្នុងចេញទៅក្រៅ                                                            23

                              ឧបនិស្ស័យ 7 ប្រការ: ទស្សនៈរូម                                               69

ផ្នែកទី2 :    ជោគជ័យផ្ទាល់ខ្លួន                                                    93

          ឧបនិស្ស័យទី1  ភាពប្រូអាក់ទីវ                                                                      95

                              គោលការណ៍ទស្សនវិស័យផ្ទាល់ខ្លួន   

            ឧបនិស្ស័យទី2 ផ្តើមចេញពីគោលដៅក្នុងចិត្ត                                                    137

                               គោលការណ៍ភាពជាអ្នកដឹកនាំក្នុងខ្លួនឯង                                          

          ឧបនិស្ស័យទី3  ធ្វើកិច្ចការសំខាន់ជាមុន                                                           211

                              គោលការណ៍គ្រប់គ្រងខ្លួនឯង 

ផ្នែកទី3 :    ជោគជ័យក្នុងសង្គម                                                   263

          គោលគំនិតពឹងពាក់គ្នាទៅវិញទៅមក                                                              263

          ឧបនិស្ស័យទី4  គិតបែបឈ្នះ / ឈ្នះ                                                               293

                               គោលការណ៍ភាពជាអ្នកដឹកនាំអ្នកដទៃ

            ឧបនិស្ស័យទី5  យល់អ្នកដទៃជាមុន ទើបអ្នកដទៃយល់ពីយើង                                        339

                               គោលការណ៍ប្រាស្រ័យទាក់ទងប្រកបដោយការយល់ចិត្ត                  

          ឧបនិស្ស័យទី6   ផ្គុំអានុភាពនៃភាពដោយឡែក                                                            377

                                គោលការណ៍នៃកិច្ចរួមសហការបែបស្ថាបនា             

ផ្នែកទី4 :    បន្ថែមថាមពលជីវិត                                                   413

          ឧបនិស្ស័យទី7   សំលៀងឲ្យមុតស្រួចជាប្រចាំ                                                   415

                                 គោលការណ៍តុល្យភាពនៃការបន្ថែមថាមពលជីវិត

                                       ផ្តើមពីក្នុងចេញទៅក្រៅបន្ថែម                                                 445

          ជំពូកបញ្ចប់                                                                                               461

          សំណួរដែលត្រូវបានសួរជាញឹកញាប់

            ភាគបន្ថែមទី១                                                                                           475

          ការយល់ឃើញកើតឡើងពីការជ្រើសយកទីបញ្ជាការធំផ្សេងៗ

            ភាគបន្ថែមទី២                                                                                           485

          សកម្មភាពមួយថ្ងៃនៃតារាងកាលវិភាគផ្ទាំងទី II នៅកន្លែងធ្វើការ          

                                                                   

Product you may like

Thanks for interesting in our products, here we have some more items recommended.