មនុស្សអស្ចារ្យរាប់ពាន់នាក់ចាប់ផ្តើមពីជាងកាត់សក់ កម្មករ កសិករ ជាងសំណង់ អ្នកលក់កាហ្វេ បុគ្គលិកសណ្ឋាគារ អ្នកធ្វើនំបុ័ង កូនទាហាន ដែលអាចសាងខ្លួនរហូតដល់ទទួលជោគជ័យធំៗ មានកេរ្តិ៍ឈ្មោះល្បីល្បាញ គួរឲលើកតម្កើង ដោយស្នាដៃដ៏អស្ចារ្យរបស់ពួកគេយ៉ាងមិនគួរឲជឿ។តើនេះដោយសារអ្វី? បរមគ្រូ ដេវីដ បានសរសេរថា «អ្នកដែលគិតអ្វីក្នុងចិត្ត គេក៏នឹងទៅជាយ៉ាងនោះ»​ រីឯ អេម័រសាន់បានពោលថា «មនុស្សដ៏អស្ចារ្យ គឺមនុស្សដែលមើលឃើញថា ការគិត គឺជាអ្វីដែល គ្រប់គ្រងលោក» ឬគំនិតរបស់មិលតុន បានសរសេរថា «ចិត្តគំនិតជាអ្នកសាងអ្វីមកដោយខ្លួនឯង...ហើយក្នុងចិត្តគំនិតទាំងនោះ អាចសាងសួគ៌ាក្នុងឋាននរក ឬក៏សាងនរកក្នុងឋានសួគ៌ក៏បានដែរ»

គិតឲជ្រៅ អ្នកនឹងទទួលបានគុណភាពជីវិតកាន់តែប្រសើរ។ អ្នកនឹងមានដំណើរជីវិតដ៏អស្ចារ្យ
ទាំងផ្នែកតួនាទីការងារ ប្រាក់ចំណូល សេចក្តីសុខ គ្រួសារ មិត្តភក្តិ ព្រមទាំងការទទួលស្គាល់
និងលើកតម្កើងយ៉ាងខ្ពស់ពីសង្គម។